Крушево ќе одбележи 10 години од загинувањето на Тоше Проески

Share on facebook
Facebook
Share on twitter
Twitter
Share on email
Email
Share on print
Print

 

Во понеделник на 16 октовмри се навршуваат 10 години од загинувањето на нашата најголема музичка ѕвезда Тоше Проески. Во негова чест 12 маратонци од повеќе градови од Македонија денеска во 17 часот го почнуваат својот маратон од Нова Градишка во Хрватска каде Тоше Проески во 2007 година, во автомобилска несреќа го загуби животот.

 

Според претседателот на фондацијата „Тоше Проески“ Андреј Николоски, маратонците утре во 18 часот ќе бидат пречекани на градскиот плоштад во Скопје.

 

„Во Крушево маратонците ги очекуваме на пладне на 16 октомври на вечното почивалиште на Тоше Проески, на гробиштата на Гумење. Потоа во спомен-куќата на Тоше, на Гумење во негова чест ќе има културно-уметничка програма, изјави Андреј Николоски, претседателот на фондацијата „Тоше Проески“.

 

Директорот на „Спомен куќата на Тодор Проески“, Елена Мирчевска рече дека во Крушево веќе се пристигнати фановите на Тоше од Хрватска и од Србија.

 

„Во понеделник откако ќе ги пречекаме маратонците, во спомен-куќата во чест на Тоше 15-тина студенти од Универзитетот „Гоце делчев“ од Штип ќе сликаат, инспирирани од животот и делото на нашата музичка ѕвезда. Учениците од крушевското основно училиште „Никола Карев“ ќе изведат поетски рецитал, а ќе настапи и хорот при Гимназијата во Крушево „Наум Наумоски-Борче“. Во спомен-куќата се изложени околу 350 експонати, сопственост на семејството на Тоше Проески и за шест години откако постои музејот, го посетиле преку 500.000 гости од Македонија и од светот, изјави Елена Мирческа, директор на „Спомен куќата на Тодор Проески“.

 

Претседателот на фондацијата „Тоше Проески“ Андреј Николоски најавува и нов албум, кон крајот на ноември и почетокот на декември. Се работи за песни снимени на англиски јазик на Тоше Проески во студиото на Енди Рајт во Лондон.

 

„Подготовките за албумот се во финална фаза. На него ќе се најдат шест песни на англиски јазик на Тоше. Материјал е снимен во студиото на продуцентот Енди Рајт во Лондон. Меѓу нив ќе биде и песната што се промовираше на 5 октомври во Скопје. На лбумот ќе има и неколку преработки на стари хитови на Тоше. Се подготвуваат и видеата за новиот албум, најави Николоски.

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Липо ласер и спа капсула за прв пат во Прилеп

Play Video

Следете не на facebook

 

Вашата поддршка многу ни значи