Владата го укина „Денот на дрвото“

Share on facebook
Facebook
Share on twitter
Twitter
Share on email
Email
Share on print
Print

Владата на денешната седница го укина Ден на дрвото поради слаб ефект од досегашното пошумување.

 

„На седницата владата ја разгледа и усвои информацијата за спроведување на пошумувањето на површините предвидени за акцијата ‘Ден на дрвото – засади ја својата иднина’ за есенскиот дел во 2017 година, со динамика и акциски план за реализација на истата, и донесе одлука за престанок на акцијата“, соопшти владината прес-служба.

 

Според првичните анализи, во изминативе години на 13.000 хектари биле засадени 35 милиони садници. Ефектот од нив се движи 0 до само 15 отсто, односно на многу е мал процентот на успешно засадени дрва. Владата го задолжила ЈП „Македонки шуми“ да достави сеопфатна информација за ефектите од оваа акција.

 

Идните активности за пошумување, велат од Владата, ќе се реализираат со одобрена предлог-програма за проширена репродукција на шумите на Јавното претпријатие за стопанисување со државните шуми „Македонски шуми“.

 

Акцијата Ден на дрво – Засади ја својата иднина, започна во август 2007 година, кога оперскиот пејач Борис Трајанов, поттикна проект за масовно засадување на голините и опустошените планини. Владата го прифати овој предлог на Трајанов и оттогаш секоја година организираше акции за садење дрва, а денот беше неработен.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи