Фетаи: Ако некој сторил кривично дело ќе го гонам па дури и да е на смртна постела

Ако некој стори кривично дело јас ќе го гонам, па дури и да е на смртна постела, рече специјалната јавна обвинителка Фатиме Фетаи на денешното судско рочиште по предметот „Триста“ каде што обвинетиот, Ѓоко Поповски, не се појави.

 

Судењето беше одложено за 21 ноември, а Фетаи изјави дека не и верува на одбраната која тврдеше дека Поповски не се појавил во судот затоа што лекар му препорачал да мирува. Таа предложи судот да определи вешти лица кои би утврдиле дали Поповски навистина не може да се јавува на закажаните рочишта.

 

„Тој е обвинет, против него има постапка и тоа што е на боледување не значи дека не треба да се појавува на судските рочишта. Од ништо не произлегува дека тој е спречен да присуствува на денешното рочиште. Истото се случи и во текот на истрагата кога тој не се појави на распит. Тогаш лекарската комисија ме извести дека тој е ограничен во одењето и седењето, дека не е неподвижен и дека не е ограничен во зборувањето“, истакна Фетаи.

 

На тоа реагираше одбраната на обвинетиот. Адвокатот на Поповски рече дека доколку така му се обрати на судот ќе биде казнет.

 

Следното рочиште е закажано на истиот ден кога треба да се одржи расправа и за предметот „Труст“.

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.

WP-Backgrounds Lite by InoPlugs Web Design and Juwelier Schönmann 1010 Wien