Романец излегол во локално кафуле, се разбудил во Лондон!

Share on facebook
Facebook
Share on twitter
Twitter
Share on email
Email
Share on print
Print

Невработен Романец, Михаил Данциу пиел со неговите пријатели во локално кафуле во романскиот град Албешти и помислил дека би била добра одлука да се обиде да најде работа во Лондон.

 

После неколку чаши Данциу се обложил со пријателите дека може да најде работа во Велика Британија и друго на што се сеќава е дека се разбудил во двор на зграда во центарот на Лондон со модринки и во шок, додека сите околу него зборувале англиски.

 

Тој бил однесен во болница каде што медицинската сестра од романско потекло, Адина Востаче, потврди дека навистина стигнал во Велика Бритнаија, објави „Дејли Мејл“. Медицинската сестра неговата приказна ја објавил во група на Фејсбук со надеж дека некој од нејзините пријатели од Романија ќе знае како Михаил пристигнал во Лондон.

 

Лекарите неговиот идентитет го утврдиле откако неговата фотогафија се појавила на Интернет.

 

„Тој е пронајден пијан и делуваше како некој да го претепал. Во болница беше донесен и тој ми рече дека не познава никој во Лондон и дека е зачуден дека не во Романија. Воопшто не знае како стигнал во Лондон“, напиша медицинската сестра.

 

Романските медиуми веста објавија дека последен пат тој бил виден како пие со неговите пријатели во Албешти, а локалните власти приказната ја потврдија и работат на помагање човекот да се врати дома.

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи