Русија фасцинира во секој поглед – со зимата и генерално суровоста на природата, но и подготвеноста на човекот да се справи со неа. Доказ е ова руско чудовиште со осум нозе наречено Шаман 8х8, способно за нешта кои тешко се опишуваат.
Како да излегло од филм научна фантастика, руското теренско возило Шаман на осум тркала навистина изгледа футуристично.
Робустниот теренец може да носи тон ипол товар, а неговиот резервар собира 260 литри гориво. Шаман е долг 6,3 метри, висок 2,7 додека ширината на овој теренец е 2,5 метри. Тежината на ова возило иснесува 2,5 тони.
Може да се движи по најразлични терени, а тоа што е особено интересно е тоа што може да го управува секој возач на автомобил дури и почетник.
Доколку ве интересира цената на овој убавец, таа изнесува најмалку 183.000 евра.
