Ердоган, Путин и Рохани се согласија за траен прекин на огнот во Сирија

Share on facebook
Facebook
Share on twitter
Twitter
Share on email
Email
Share on print
Print

Претседателите на Турција, Русија и Иран денеска на состанокот во Анкара се заложија да соработуваат со цел постигнување на траен прекин на огнот во Сирија.

 

Реџеп Таип Ердоган, Владимир Путин и Хасан Рохани ја потврдија „решителноста за активна соработка поради траен прекин на огнот помеѓу завојуваните страни“ се наведува во соопштението.

 

Во заедничката изјава на Ердоган, Путин и Рохани од тристраната средба во Анкара, се повикува меѓународната заедница и, посебно, ОН да ја зголемат помошта за Сирија, односно да испратат дополнителна хуманитарна помош, да придонесат во активностите за деминирање, обнова на инфраструктурните објекти, вклучувајќи ги и социјалните и економските, и да се зачува историското наследство.

 

Во текстот уште се наведува дека трите земји ќе продолжат да соработуваат во борбата против терористичките организации Исламска држава и Ал Каеда, како и групите поврзани со нив.

 

Претседателите на Турција, Русија и Иран ја потврдија својата решеност да продолжат со активна соработка во Сирија за да постигнат траен режим на прекин на огнот. Тие уште побараа од сите страни во сирискиот конфликт да се придржуваат кон Резолуцијата 2401 на Советот за безбедност на ОН за прекин на огнот низ целата земја.
Следната тристрана средба ќе се одржи во Иран, на покана на Рохани.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Нови атрактивни профили за учебната 2021/2022 во СОУ „Ристе Ристески-Ричко“

Play Video

Профили за уписи во I ( прва ) година во СОУ „Орде Чопела“ - Прилеп

Play Video