Шкотска е прва земја во светот што воведува минимална цена на алкохолот

Share on facebook
Facebook
Share on twitter
Twitter
Share on email
Email
Share on print
Print

Шкотска стана првата држава во светот која воведува минимална цена на алкохолот за тој да стане потешко достапен, што е пионирска иницијатива која почнува по години судски битки.

 

„Шкотска е првата нација во светот доволно смела и храбра да воведе минимална единствена цена“, изјави шкотската премиерка Никола Стурџон. „Мислам дека земјите во Европа и надвор од неа ќе се обидат да го преземат она што го направивме тука во Шкотска“, додаде таа спомнувајќи дека и Ирска и Велс сакаат да почнат слични проекти.

 

Сега е одредена минимална цена од 50 пени (57 центи) по единица алкохол, мерка која ги зема предвид истовремено и процентот на алкохол и количеството производ.

 

Така шише виски од 700 милилитри нема да може да се продава под 14 фунти (15,60 евра), а шише од 740 милилитри вино со 12,5 отсто алкохол ќе чини најмалку 4,69 фунти (5,2 евра).

 

Иницијативата со која се сака да се сузбијат негативните последици врзани со алкохолот ја поздравија и лекарската комора и синдикатите како најголем напредок во областа на јавното здравство по забраната за пушење во јавност.

 

„Овој закон ќе спаси животи“, изјави Алисон Даглас, главна директорка на каритативната организација Алкохол фокус Скотланд, која предвиде дека законот ќе спаси 58 животи во првата година од спроведувањето, а до 121 лице годишно „за 20 години, кога политиката ќе го достигне полниот замав“.

 

Во 2016 година 1.265 смртни случаи беа поврзани со алкохол во Шкотска, каде живеат 5,3 милиони луѓе, што е зголемување за 10 отсто од претходната година.

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Липо ласер и спа капсула за прв пат во Прилеп

Play Video

Следете не на facebook

 

Вашата поддршка многу ни значи