Стотици припадници на полицијата денес учествуваа во голема акција спроведена во четири германски сојузни држави против криумчарење на луѓе.
Полицијата соопшти дека околу 800 полицајци извршиле претрес во 21 канцеларија и куќи во Хамбург, Бремен, Долна Саксонија и Саксонија Анхалт. За време на акцијата се пронајдени најмалку 35 илегални мигранти.
На мета се најде и бандата на Молдавците кои во Германија влегле користејќи лажни романски исправи и таму работат нелегално.
Меѓу осомничените во Саксонија Анхалт има и такви кои се ставаат во врска со ултрадесничарското движење Граѓани на Рајхот, соопшти полицијата.
