Речиси еден месец нема ни трага ни глас од престолонаследникот на Саудиска Арабија Мухамед бин Салман, пренесе Спутник. Како што пишуваат некои ирански медиуми, принцот може да бил убиен за време на наводниот обид за државен удар кој се случи минатиот месец.
Според пишувањето на персискиот весник „Кејхан“, во извештајот на тајната слуба, кој е пратен на високи функционери на неименувана арапска држава, се наведува дека Бин Салман е застрлан со два куршуми во текот на нападот на неговата палата на 21 април.
Весникот додава дека тој најверојатно е мртов, бидејќи од тогаш не се појавил во јавност.
Да потсетиме, таа мистериона ноќ се слушнале рафали и детонации на територијата на кралската палата. Според официјалната верзија, наводно обезбедувањето пукало на дрон играчка. Но, сепак признале дека кралот Салман и принцот престолонаследник се евакуирани во воен бункер.
На снимки објавени на социјалните мрежи се стекнува впечаток дека многу луѓе го соборувале дронот и тоа со цел арсенал пешадиско оружје. Силни детонации одекнувале подолго од еден час, што веднаш предизвика сомнеж во вистинитоста на официјалната верзија.
Во меѓувреме, за време на исчезнувањето на принцот, Саудиска Арабија не водеше ништо помалку активна дипломатска политика од порано. Додека престолонаследникот на себе ја презеде целата надворешна политика, а и внатрешната, сето ова време гледаме како актуелниот и болен крал Салман прима странски гости.
Тоа се виде и при средбата со американскиот државен секретар на САД Мајк Помпео, кого го прими кралот Салман.
