По спектакуларното спасување дете, бегалецот од Мали, Мамуду Гасама, беше примен од францускиот претседател Емануел Макрон, при што доби ветување за добивање на француско државјанство, како и работа во пожарникарската служба. Макрон му предал и одликување на Гасама за неговата храброст и самопожртвуваност.
Младиот човек викендов со неверојатна акција на искачување по балконите на една зграда во Париз, спаси од пад четиригодишно дете, кое висеше држејќи се за работ на балконот на четвртиот кат.
„Мислев само на неговото спасување, а благодарени на Бога, успеав да го спасам“, изјави Гасама
Минувачи го снимиле пожртвуваниот чин на младиот човек од Мали, кого медиумите го нарекуваат „Спајдерман“, а видеото е прегледано преку милион пати на социјалните мрежи.
