Рускиот министер за надворешни работи, Сергеј Лавров, утре ќе замине во посета на главниот град на Северна Кореја, Пјонгјанг, каде со својот севернокорејски колега Ри Јонг-хо ќе разговара за ситуацијата на Корејскиот Полуостров, соопшти руското Министерство за надворешни работи.
„Испланирани се разговорите на двајцата министри и тие ќе се фокусираат на актуелните проблеми и ќе разменат мислења за ситуацијата на Корејскиот Полуостров и други главни меѓународни и регионални проблеми“, се наведува во соопштението на руското МНР.
Високо на агендата ќе биде и разговорот за најавената потполна денуклеаризација на земјата, за што Лавров се изјасни дека Северна Кореја мора да има дополнителни безбедносни гаранции.
