Кировски им забрани на новинарите од Телма да искажуваат ставови и да коментираат на социјалните мрежи

Share on facebook
Facebook
Share on twitter
Twitter
Share on email
Email
Share on print
Print

Од пред еден месец на новинарите од Телма им е забрането своите лични ставови да ги искажуваат на социјалните мрежи. Забраната стигнала откако главниот и одговорен уредник, Атанас Кировски, со известување им се заканил на новинарите дека ќе бидат санкционирани доколку ја прекршат забраната.

 

Известувањето е поставено во телевизијата неколку недели пред референдумот. Како што стои во известувањето, мислењето на новинарите вработени во Телма се третира како мислење на куќата и им се наредува да се воздржат од искажување на своите ставови.

 

„Вработените во ТВ Телма ја претставуваат во јавност телевизијата. Било каков политички став, коментар или мислење на одредени теми се интерпретира како став на телевизијата, а не како личен став на вработените во ТВ Телма. Од тие причини се забрануваат коментари, мислења и анализи на фејсбук профили, твитер и други социјални мрежи или медиуми, кои не се одобрени од уредничкиот колегиум на ТВ Телма. Во иднина било каков коментар ќе биде санкциониран“, стои во известувањето потпишано од главниот и одговорен уредник.

 

Информацијата за ригорозната забрана на Телма предизвика остри реакции кај социјалните мрежи и фелата. Дел од јавноста смета дека ова е воспоставување на диктатура во медиумот и прекршување на уставното право на новинарите да имаат свое мислење и истото да го искажуваат.

 

Медиумската фела апелира до новинарските здруженија да реагираат, да не ги остават новинарите незаштитени и да го одбранат нивното уставно право.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи