По повод Денот на македонската револуционерна борба – 23 Октомври денеска во Прилеп свежо цвеќе беше положено на спомениците на Ѓорче Петров и Пере Тошев. Градоначалникот Илија Јованоски им го честиташе празникот на сите граѓани со желба за обединување и помирување на сите граѓани на Република Македонија.
„Сакам да го честитам денешниот национален празник за македонската борба, на нашата револуција воопшто. Сакам на нашите граѓани да им го честитам овој ден и да посакам обединување и помирување на сите граѓани на Република Македонија, затоа што во овие тешки политички моменти, кои што се вистински предизвик за нашата држава, треба да најдеме можност сите заедно да се обединиме и со заедништво да продолжиме да ја градиме нашата европска Македонија.
