Воздухот во Њу Делхи екстремно загаден по целовечерен огномет на хиндуистички фестивал

Share on facebook
Facebook
Share on twitter
Twitter
Share on email
Email
Share on print
Print

Загадувањето на воздухот во индискиот главен град Њу Делхи се искачи до критично ниво денеска откако локалното население цела ноќ правеше огномет заради прослава на фестивалот Дивали.

Според два показатела на загадувањето, квалитетот на воздухот е многу лош, а високите нивоа на загадување укажуваат на тоа дека долготрајната изложеност на таков воздух би можела да предизвика респираторни проблеми.

 

Концентрацијата на штетни честички во центарот на Делхи се искачи на 689, што е вонредна состојба и претставува сериозен здравствен ризик.

 

Градските власти денес одржуваат состанок на кој треба да се утврди состојбата и да се преземат мерки.

 

Минатиот месец Врховниот суд дозволи користење на пиротехнички средства што не ја загадуваат околината во рами на прославата на фестивалот Дивали и тоа само два часа во текот на ноќта.

 

Но, „зелените“ пиротехнички средства не беа достапни на продажба и во текот на вечерта беше истрелано големо количество стандарден пиротехнички огномет.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи