Половина милион евра јапонска помош за пет болници

Share on facebook
Facebook
Share on twitter
Twitter
Share on email
Email
Share on print
Print

Јапонската влада даде грант од околу половина милион евра за набавка на опрема и реконструирање на пет јавни здравствени установи.

 

Министерот Филипче се заблагодари на јапонската влада и ја истакна важноста за вложување во здравствениот сектор. Со Програмата „Грант – помош за поддршка на мали проекти за човекова безбедност“ ќе се подноват Клиниката за дигестивна хирургија, Клиниката за гинекологија и акушерство и Институтот за белодробни заболувања кај децата – Козле, соопштија од Министерството за здравство.

„Речиси половина милион евра беа доделени на пет здравствени установи за набавка на медицинска опрема и реновирање. Со оваа голема донација ги подобруваме условите и ги зајакнуваме капацитетите во здравствените установи“, рече министерот Филипче.

 

Амбасадорката на Јапонија им се заблагодари на министрите, директорите и медицинскиот персонал за нивната соработка за време на имплементацијата на овие проекти, а која придонесува за подобрување на здравствените услуги на македонските пациенти.

 

Заменик-претседателот на Владата, Бујар Османи, во улога на национален координатор за распределба на странска помош во РМ, но и еден од хирурзите кој ќе треба да ја користи оваа опрема посочи и дека од осамостојувањето на нашата држава Јапонија има обезбедено голема поддршка преку официјалната развојна помош во повеќе значајни сектори, клучни за постигнување на нашите реформски процеси и стратешки цели, како здравство, образование, развој на локалните заедници, во износ над 420 милиони евра.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи