Орбан: Груевски е сојузник кој помогна во заштита на границите

Share on facebook
Facebook
Share on twitter
Twitter
Share on email
Email
Share on print
Print

Унгарскиот премиер Виктор Орбан за првпат јавно се изјасни за азилот на поранешниот македонски премиер Никола Груевски. Во интервју за радиото Кошут, Орбан рече Груевски е сојузник без кој било невозможно да се одбранат границите на Унгарија.

 

„Станува збор за поранешен лидер на блиска земја, земја која имаше клучна улога за справување со нелегалната миграција. Без таа помош ќе беше многу потешко да се одбранат унгарските граници, Човек треба чесно да се однесува кон своите сојузници“, рече Орбан, потенцирајќи дека тој и Груевски биле сојузници.

 

Како што посочи, Унгарија веќе 30 години функционира како демократија, и ова не е прв пат да прима важни луѓе, но претходните случаи немале тежина како тој на Груевски.

 

Тој ги обвини Џорџ Сорос и неговите организации дека стојат зад прогонот на Груевски, но одби да ги коментира постапките кои против поранешниот македонски премиер се водат во Македонија. Против Груевски се врши прогон поради тоа што изгради ограда на границите, смета унгарскиот премиер.

 

За доделениот азил, Орбан вели дека не станува збор за никакво беззаконие, туку за еден правичен процес. Тој нагласува дека постапката не била спроведена од страна на унгарската влада, бидејќи сметал дека владата е подобро да стои подалеку од тоа прашање.

 

Орбан рече дека унгарските власти ќе го разгледаат барањето за екстрадиција на македонските власти.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи