Американските безбедносни служби го истражуваат случајот на притворен убиец кој признал дека во текот на последните четири децении извршил 90 убиства, објави во четвртокот Би-Би-Си.
Американското Федерално биро за истраги (FBI) верува дека 78-годишниот Семјуел Литл би можел да биде „најефикасниот“ сериски убиец во американската историја.
Државните и федералните агенции сега се обидуваат да ги според неговите искази со смртните случаи меѓу 1970 и 2005 година. Иследниците тврдат дека веќе го поврзале со 34 убиства и дека работат на потврдувањето на многу други.
Литл во моментов отслужува доживотна казна откако во 2014 година е осуден за убиство на три жени. Притворен е од септември 2012 година кога е уапсен во засолниште за бездомници во Кентаки и предаден на Калифорнија, каде што бил баран поради обвинение поврзано со дроги.
Примероци од неговата ДНК кога се поврзани со нерешени убиствата на три жени од Лос Анџелес меѓу 1987 и 1989 година. Сите три жртви биле претепани и задавени. Литл на судот тврдел дека не е виновен, но на крајот е осуден на три доживотни казни без можност за помилување.
Тој и претходно имал богато криминално досие со злосторства како што се силувања и вооружени грабежи. Само за два случаи постоеле сомнежи дека би можел да биде и убиец, и тоа во 1980 година кога го привеле поради исчезнувањето на две жени од Мисури и Флорида, кога е ослободен поради недостиг од докази.
