Премиерот Зоран Заев денеска изрази надеж дека нашата земја ќе се приклучи на НАТО на самитот во Лондон во декември на кој ќе се одбележи 70 годишнината на Алијансата.
Заев потсети дека досега дваесетина земји членки на НАТО го ратификуваа пристапниот Протоколот, информирајќи дека во уште неколку држави во тек е процедурата за ратификација.
„Интеграцијата во НАТО ќе има огромни позитивни ефекти за безбедноста и просперитетот како на нашата земја, така и на поширокиот регион“, рече Заев на денешната презентацијата на „Дигитализација на системот за менаџирање на кризи“ во организација на Центарот за управување со кризи и НАТО.
