Поранешниот министер за животна средина Садула Дураку, а моментално актуелен министер во новото Министерство за политички систем и односи меѓу заедници, од вчера е назначен и за заменик на претседателот на Владата на Република Северна Македонија.
„На денешната седница, министерот за политички систем и односи меѓу заедниците, Садула Дураку е назначен за Заменик на Претседателот на Владата на Република Северна Македонија.“, накратко стои во соопштението од 142-рата седница на Владата.
Овој потег наиде на голем револт, но и потсмев во јавноста, како и корисниците на социјалните мрежи. Низ шега, ваквата одлука ја поврзаа со неговото познавање за користење на интернет пребарувачот „Интернет експлорер“, кое тој го наведе во неговата куса биографија.
Интернет експлорер му овозможи на Садула Дураки уште една функција во владата.
Покрај министер за политички сите ќе биде и заменик премиер на Заев. Честитки! #Метла pic.twitter.com/5xKjKORgn7— Мартиан (@MartianFromMKD) July 4, 2019
Неизостана да се стави во контекст и изјавата на Дураку, кој тој ја даде откако си замина од Министерството за животна средина, а во која се вели дека неговото раковедење ќе остави траен белег во заштитата на животната средина.
Садула сега тек каков траен белег ќе остави ко вицепремиер, држ’те се.
— BanAna (@Banankata) July 4, 2019
Но бурните реакции на јавноста, очигледно не ја премислија Владата да го унапреди екс-министерот за животна средина, Садула Дураку. Од таму го бранат дека неговото искуство е добредојдено за Северна Македонија.
„Ние се надеваме дека Садула Дураку ќе донесе многу со неговото искуство. Што се однесува до неговите примања, тие ќе бидат исти како и на неговите претходници“, истакна портпаролот на владата, Мухамед Хоџа.
Сепак, и натаму останува прашањето со што Садула Дураку го заслужи вицепремиерското место во Владата.
Ако некогаш се сомневаш во себе дека не можеш да успееш, сети се дека Дураку станал вицепремиер
— Biba4Real (@Biba_4_Real) July 4, 2019
