Прилеп е првиот град во државата кој во јавниот превоз воведе автобуси на метан. Конечно граѓаните на Прилеп добија градски превоз каков што заслужуваат, современ, комфорен, навремен, а пред се превоз со кој ја штитиме животната средина и здравјето на луѓето, истакна на денешната прес конференција портпаролката на ОО СДСМ Прилеп, Стефани Петреска.
Прес конференцијата ја пренесуваме во целост.
„Наспроти старите и дотраени автобуси кои ВМРО-ДПМНЕ ги вклучи во јавниот превоз и за чие одржување годишно се трошеа над 150.000 евра, локалната власт предводена од СДСМ набави и пушти во употреба 4 нови еколошки автобуси со Еуро 6 стандард.
Со новите автобуси, освен што се заштитува животната средина, повеќе од двојно се намалуваат и трошоците за гориво, што ќе значи заштеда на буџетски средства кои ќе бидат инвестирани во нови проекти од интерес на граѓаните на општина Прилеп.
Со набавените 4 нови автобуси на метан, градоначалникот Јованоски и СДСМ докажаа дека стојат зад дадениот збор и ги исполнуваат предизборните ветувања пред граѓаните на општина Прилеп“, рече Петреска.
