Вечерва во 19 часот во Центарот за современа ликовна уметност во Прилеп ќе се одржи изложба на фотографии насловена како „Лазарки – традиционални женски обреди од Струшко поле и Дримкол“.
Преку изложбата на фотографии се прави обид да се претстави ликот на македонското девојче Лазарка од предели каде обредните активности поврзани со празнувањето на празникот Лазарева сабота се сочувани со голема архаичност.
Ова се активности за популаризација на Лазара, обичај кој во 2019 година е прогласен за заштитено нематеријално културно наследство.
Проект финансиран од Министерството за култура на РС Македонија, во рамките на Годишната програма за финансирање проекти од национален интерес во културата. Имплементиран е од Здружение на граѓани Менелај – Прилеп, а поддржан од Центар за современа ликовна уметност и ЈНУ Институт за старословенска култура – Прилеп.
