ВИДЕО- Јовчески : Дали Тризла е ново жариште во Прилеп и дали бројката од 184 заболени е реална или таа е поголема?

Share on facebook
Facebook
Share on twitter
Twitter
Share on email
Email
Share on print
Print

И после речиси два месеци од почетокот на пандемијата со корона вирусот во Македонија, Прилеп сеуште не мирува. Градот од почетокот на оваа здравствена криза е трето жариште во државата, а нови случаи со заразени лица од вирусот имаме секојдневно. Истакна на денешната прес конференција советникот во Општина Прилеп од редовиите на ВМРО-ДПМНЕ, д-р Борче Јовчески.

 

 

Прес конференцијата ја пренесуваме во целост.

 

„И покрај тоа лидерот на СДСМ, Зоран Заев инсистира на брзи избори, кои во една ваква ситуација можат да бидат опасни по здравјето на граѓаните.

 

Сепак, Заев треба да го разбериме. Во услови кога неговата партија се распаѓа, економијата е пред колапс, а се погласни се критиките дури и во неговите редови, не му останува ништо друго, туку по цена на здравјето на граѓаните да се надева на што помал пораз на изборите.

 

Освен брзањето на Заев, Прилеп се соочува со уште еден голем проблем, а тоа е бројот на тестирања кои се извршени досега.

 

Како што извести градоначалникот Илија Јованоски, до пред десетина дена во Прилеп биле направени само 642 тестирања за Ковид-19. Тоа почитувани сограѓани значи дека здравствените власти вршеле само по десет тестови во просек во изминатите 2 месеци во Прилеп.

 

Поради тоа денеска прашуваме, дали бројката од 184 досега заболени лица е реална, или пак можеби оваа бројка е поголема? Дали властите планираат да спроведат скрининг процес на повеќе категории граѓани во Прилеп, со цел откривање на сите асимптоматски случаи?

 

Исто така го прашуваме градоначалникот и здравствените власти, дали е точно дека во изминатиот период се појавиле повеќе позитивни случаи на корона вирус во населбата Тризла?

 

Потсетуваме дека општината која ја предводи Јованоски и партискиот огранок на СДСМ со Миле Талевски како претседател, во оваа населба неконтролирано делеа пакети со прехрамбени продукти, при што се создаваа гужби.

 

Почитувани, на Заев и СДСМ очигледно не им се важни овие прашања и не ги загрижува дека брзи избори во јуни можат да значат нови заразени со Ковид-19, како и потенцијални нови жртви како последица на вирусот.

 

На Заев и СДСМ не им важно што бизнисите колабираат, ниту пак тоа дека над 8.000 луѓе во Македонија досега останале без работа како последица на минорните мерки на Владата.

 

Овие луѓе се грижат само за нивните фотељи и ништо друго! ВМРО-ДПМНЕ ќе победи на изборите кога и да се одржат, а дебаклот СДСМ и Зоран Заев ќе го доживеат токму во Прилеп“, истакна Јовчески.

 

 

 

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи