Во селото Десово, Општина Долнени, има 7 заболени од Ковид 19, сите од еден кластер, тие се иста фамилија и тие се под контрола и не излегуваат од дома, истакна Илија Јованоски, градоначалник од Прилеп.
„Тие се изолирани, од едно семејство се, во комуникација беа и со ОВР Прилеп и со епидемиолошката служба од нашиот град. Инаку морам да кажам дека контролата на полицијата не е заостаната и продолжува и понатаму. Така што контролата на сите тие изолирани случаи од село Десово е под контрола и ги знаеме сите заболени дека не се движат никаде, откако се воспостави дека се позитивни, за претходно никој неможе да ви каже.
И добро е што тие се од еден кластер, 7 заразени има, иста фамилија се. И тоа прва заболе најстарата жена во фамилијата, најстарииот член, која постојано седела дома. Така што ова е само уште еден доказ дека со овој вирус не сме начисто кога и од каде може да дојде“, додаде Јованоски.
