Република Македонија во изминатите 3 години е политички и правно заробена држава во која владее хибридниот режим инсталиран од Зоран Заев. Ветуваа дека во државата ќе има право, правда и правен поредок, ослободени од политичко влијание, а целата јавност слушна како се носеле “трас-трaс” судски пресуди по диктат на Заев, рече на денешната прес конференција Ана Лашкоска.
„Македонија се наоѓа на 107 место според индексот на корупција во светот, што е срамно за земја која претендира да стане членка на европското семјество.
После 15-ти јули Заев и СДСМ заминуваат од власт, ќе се соочат со одговорност и за тоа компромис нема! На овој урнисан и заработен правен систем му претстои целосна ОБНОВА!
Обновата на Македонија е последната шанса за граѓаните да ја вратат довербата во судството и обвинителството, да веруваат дека секој е еднаков пред законот и дека за секој оној кој се огрешил пред законотите ќе следува одговорност.
Еден од главните приоритети на идната Влада предводена од ВМРО-ДПМНЕ ќе биде целосната обнова на уставно-правниот и политички правен систем.
Ќе работиме на целосно искоренување на корупцијата и политичко-партискиот клиентелизам во правосудството“, рече Лашкоска.
