Театарот „Чин 4 Сцена 5“ на шести октомври, вторник, од 20.00 часот, на сцената од ЦК „Марко Цепенков“ премиерно ќе ја прикаже претставата „Да не е галеб?“, работена според „Галеб“ на А. П. Чехов, и „Глупа заебана птица“ на Арон Поснер.
Претставата е адаптација на големиот руски класик. Претставува „разговор“ со самиот Чехов, еден вид на писмо кон него, за тоа како неговиот „Галеб“ лета и во 21. век, поставувајќи прашања за љубовта, за животот, за театарот, а во исто време се „сере“ на сè што е под него, и нема никакви грижи за светот.
Во претставата играат: Илија Волчески, Јасмина Мицовска Станкоска, Димитар Ѓорѓиевски, Михајло Миленкоски, младите прилепчани Наталија Ристеска и Дарко Карбески, како и гостинката од Пробиштип, Стефанија Митовска.
Музиката е на Томе Темелкоски, звучниот дизајн е на Кире Најдоски, додека режисер е Саша Нацевски.
