ВИДЕО – Витаминка и Преспав донираат 100 таблети за семејствата во неповолна социјална положба

Share on facebook
Facebook
Share on twitter
Twitter
Share on email
Email
Share on print
Print

Витаминка и Преспав донираат 100 таблети за семејствата кои немаат можност да купат смарт уреди за следење онлајн настава на своите деца. Донацијата, што како иницијатива произлегува од Витаминка, а се приклучи и ОХО продукција, се одвива преку Министерството за образование и наука од каде го составија списокот на корисниците на донацијата и ќе се достават уредите до семејствата според приоритетот и потребите.

 

 

„Ми претставува особена чест што сум денес тука како претставник на „Витаминка“ да ја доделиме оваа донација, која што е од 100 таблет уреди за социјално загрозените семејства и се доделува на децата од Прилеп и на децата од Битола“, истакна Симона Симоноска, „Витаминка“ А.Д. Прилеп.

 

„Солидарност и општествена одговорност, тоа се клучните две работи кои не смееме да ги заборавиме во овие тешки мигови. Јас како дел од „Преспав“, дел од “ОХО“ продукцијата и нашиот генерален спонзор „Витаминка“ АД, ќе го поправам градоначалникот, даваме 100 таблети. 50 ќе се дадат во Прилеп, 50 во Битола и ги повикувам и другите општествени институции, фирми, да го следат нашиот пример затоа што потребна им е помош на многу луѓе во оваа држава“, рече Игор Ангелов, од Преспав.

 

 

Здравствената криза создаде нови услови во кои недостатокот од финансии, опрема и средства е се почест и во поголеми размери, а граѓаните посебно социјално загрозените семејства се соочуваат со најмногу проблеми, затоа е потребно бизнис секторот да помогне во секој аспект, велат од Витаминка за инцијативата.

 

„Во услови на пандемија во изминатата година граѓаните се соочуваат со големи предизвици, од економски, социјален и од образовен аспект. Покрај помошта на здравствениот сектор и на семејствата во социјален ризик, како компанија што високо го цени образовниот процес веруваме дека е многу важно обезбедување непречен и рамноправен пристап до образованието дури и во овие услови. Се надеваме дека со оваа донацијата ќе придонесеме кон тоа и ќе поттикнеме помасовна и поголема ангажираност на бизнис секторот во помошта кон граѓаните”, додаваат од одделот за маркетинг во Витаминка.

 

Со реализација на донацијата ОХО Продукција, „Преспав“ и Витаминка ги повикуваат сите деловни соработници да се приклучат на иницијативата за општествена одговорност и со здружени сили да дадат поддршка на образовниот процес со цел да го олеснат безбедното следење на наставата во време на пандемија за учениците кои потекнуваат од социјално загрозени семејства.

 

 

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Липо ласер и спа капсула за прв пат во Прилеп

Play Video

Следете не на facebook

 

Вашата поддршка многу ни значи