50-те таблет компјутери кои ги донираа „Витаминка“ и „Преспав“ поделени на на ученици од ООУ „Добре Јованоски“

Share on facebook
Facebook
Share on twitter
Twitter
Share on email
Email
Share on print
Print

 

50-те таблет компјутери кои на Општина Прилеп и’ ги донираа прехранбената индустрија „Витаминка“ и продукцијата „Преспав“, денеска стигнаа во рацете на ученици од ООУ „Добре Јованоски“. Станува збор за донација наменета за ученици од социјално ранливите семејства, со цел непречено следење на онлајн наставата.

 

За време на денешната распределба на таблет компјутерите, градоначалникот на општина Прилеп, Илија Јованоски, на учениците им посака пред се’ да бидат здрави и да имаат успех во учењето.

 

„Денеска сме во ООУ ‘Добре Јованоски’, каде на учениците од ова училиште ќе им поделиме 50 таблет компјутери. Станува збор за донација од прехранбената индустрија ‘Витаминка’, која како општествено одговорна компанија дава придонес во севкупниот општествен развој, посебно во образовните институции од нашиот град. Овие таблет компјутери пристигнуваат во вистински раце, кај учениците на кои во овој момент им се најпотребни и сигурен сум дека ќе ги искористат на вистински начин. Ова не е последен пат да донираме таблет компјутери. Постојат најави и од други компании и невладини организации, чии донации ќе пристигнат во вистински раце“, изјави градоначалникот Јованоски.

 

„ООУ ‘Добре Јованоски’ има најголем број на ученици кои доаѓаат од социјално загрозени семејства. Денешната донација од Општина Прилеп и ‘Витаминка’ од 50 таблети е од големо значење во актуелната ситуација со пандемијата на Ковид-19. Со цел да ги запазиме мерките за заштита од коронавирусот, во наредните 2-3 дена ќе бидат поделени сите 50 таблет компјутери“, истакна Сузана Дарковска, директор на ООУ „Добре Јованоски“.

 

 

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи