Во десет училишта вклучени во проектот „Јакнење на малцинствата и специфичните групи за промовирање на партиципативната демократија на ниво на заедницата II фаза“, кој го реализира Центар за граѓанска иницијатива – Прилеп, а кој е поддржан од ifa/Zivik Федерална канцеларија на Сојузна Република Германија се реализираа проектите кои ги подготвија ученици од истите училишта.
„Имено во август оваа година 30 ученици од десетте училишта учествуваа на Младинскиот летен камп за развој на локалните иницијативи. Учениците таму научија како да подготват проекти, ги подготвија, а потоа и ги доставија за оценување. Најдобрите беа избрани за поддршка и реализација. Моментално се релизираат активностите но стигнува и опремата утврдена како потреба во проектите. Некои од проектите се посветени на уредување на училишната околина со уредување и оплеменување со клупи, училници на отворено и слично, други со опрема за настава како опрема за кабинети по анатомија, хемија и други училишни предмети, а трети пак имаа потреба од набавка на печатари и ЛЦД проектори. Така учениците научија како да пишуваат проекти, но и како да реализираат, а на своите училишта им донесоја и нова опрема“, велат од Центарот за граѓанска иницијатива од Прилеп.
