Угостителите, претставниците на фотостудијата, музичките бендови но и ноќните клубови денес излегоа на протест незадоволни од мерките од државната помош за санирање на штетите од пандемијата.
Велат дека помошта која ја добиваат е премала, бидејќи веќе цела година не работат, а ги подмируваат давачките што ги имаат кон државата. Поради тоа бараат дозвола за отпочнување со работа под посебни протоколи.
Покрај денешните, протести се закажани и за в понеделник и вторник во истиот временски период.
Од МВР најавуваат и посебен сообраќаен режим и апелираат до граѓаните да ги почитуваат наредбите од полициските службеници.
