МААК достави меморандум за обединување на О.К./ограноци на повеќе партии во Општина Прилеп околу неколку актулени теми.
Член 1
Заеднички настап во поглед на зачувување на националноста, идентитетот, јазикот, историјата, како и давање поддршка на матичните партии за што побрзо изнаоѓање на политичко решение за поништување на Преспанскиот договор и запирање на преговорите за Договорот за добрососедство со Р. Бугарија.
Член 2
Заедничко дејствување за неправедно осудените Уставобранители од 27.април и нивно што поскоро ослободување и овозможување на фер судење.
Член 3
Заедничко излагање на предлози и решенија за спас на економијата во Општина Прилеп, конкретно најзагрозените сектори во малото стопанство, занаетчиството, угостителството и сите останати економско загрозени дејности, како и земјоделието и сточарството, со посебен аспект на тутунопроизводствотото .
Член 4
Заедничко дејствување во справување со вирусот Ковид 19, со давање издржани и ефективни предлози за мерки за спречување и заштита од ширење на истиот, предлагање решенија за подобра организација на самата територија на Општина Прилеп.
Иницијатор за составување на овој Меморандум е МААК О.К. Прилеп и има за цел конечно да дејствуваме заедно, во најбитните сегменти за опстанок на општеството и Р. Македонија, а со истото, да покажеме дека имаме демократска одговорност и заеднички ставови во поглед на овие прашања.
Меморандумот за обединување е доставен до О.К./ограноци на:
1.ВМРО-ДПМНЕ
2.ЛЕВИЦА
3.ИНТЕГРА
4 ЕДИНСТВЕНА МАКЕДОНИЈА
5.РОДИНА
6.ПОДЕМ
7.ЗЕЛЕН ИНСТИТУТ
Одговорот го очекуваме до 24.04.2021.год. МААК ОК -ПРИЛЕП
