Кандидатот за градоначалник на ВМРО-ДПМНЕ за Прилеп Борче Јовчески, денеска ги презентираше 3-те топ проекти за центарот на градот.
„Да ги претставиме ударните 3 проекти кои ќе бидат приоритет во градот, поточно на ова локација. Тоа е реконструкција и уредување на плоштадот „Методија Андонов Ченто“ од основното училиште „Кочо Рацин“ до споменикот на Пеце Атанасовски.
Потоа обезбедување на паркинг простори кои се и тоа како значајни за нашата чаршија и пазарот, тоа се 3 ударни локации и тоа позади општината, позади структурата на градската кафеана и на местото кај споменикот „Карпалак“.
Исто така средувањето на нашата чаршија мора да го надополниме и со преуредување и реконструкција на улиците, плочникот околу нив со воведување на подземната и надземната инфраструктура во еден правец, за доброто на сите дуќанџии“, рече Јовчески.
