Од денеска за влез во објектите e потребен сертификат со примени две дози вакцина или потврда за прележан Ковид-19 во последните 45 дена, сметајќи од денот на оздравувањето.
Од Комисијата за здравство во петокот соопштија дека засега нема да има препорака за нови рестриктивни мерки, бидејќи сегашните, како носењето маски, држењето дистанцата, честото миење раце и вакцинирањето, биле сосема доволни.
Министерот за здравство Венко Филипче со апел преку својот Фејсбук профил порача сите оние кои се уште не се вакцинирани да го направат тоа што побрзо.
„Апелирам граѓаните да ги почитуваат мерките и да бидат одговорни и оние кои сѐ уште не се вакцинирани, што побрзо да го направат тоа. Само со колективен имунитет може да го победиме вирусот“, напиша Филипче.
