Синоќа во невремето кое го зафати Прилеп гром предизвика страшен пожар. Веднаш по полноќ гром удри во семејна куќа на улица „Кузман Шапкарeв“, а зафатени беа уште 3 други куќи, при што е предизвикана огромна материјална штета.
Од страна на ТППЕ Прилеп веднаш е интервенирано со сите расположливи возила и пожарникари во моментот и пожарот е локализиран околу 4 часот утрово, а се уште се расчистува и обезбезбедува теренот. При интервенцијата неколку од пожарникарите се здобиле со мали повреди. На терен излегла и првата помош, која покрај на повредените пожарникари интервенирала и за смирување на сопствениците на домовите.
Големите пламени јазици и густиот чад ги вознемирија граѓаните од населбата Марино Маaло, кои потенцираа дека екипите на ЕВН задоцниле со исклучувањето на струјата, што ги оневозможило пожарникарите ефективно и веднаш да започнат со гасење на пожарот.
На лице место во раните утрински часови излегоа и градоначалникот и директорите на јавните претпријатија од градот кои ветија помош за погодените семејства.
Повеќе информации очекуваме во текот на денот.
