МВР: Лажни се и денешните дојави за бомби

Министерството за внатрешни работи (МВР) ја известува јавноста дека се направени сите потребни проверки во врска со денешните пријави од училишта во Скопје, Битола, Прилеп, Тетово и струшко, по добиените пораки на електронските адреса со закана за поставена експлозивна направа, а утврдено е дека станува збор за лажни пријави.

„Веднаш по добиените пријави, од полициски службеници се преземени мерки за безбедно евакуирање на објектите, а потоа се извршени и детални проверки од тимови за антитерористички проверки и утврдено е дека станува збор за лажни пријави“, велат оттаму.

По денешните дојави за бомби во Скопје, Тетово и во Битола, дојави пријавија и училишта во Прилеп. Основните училишта во Прилеп „Добре Јованоски“, „Гоце Делчев“ и „Блаже Конески“ денес добиле дојави за поставена бомба, по што веднаш биле евакуирани учениците и вработените. Ова е прв пат дојави за бомби да има во овој град.

Search Search