Пожар на стрништа покрај пругата ги изгоре праговите поради што втор ден не сообраќаат возовите Велес-Прилеп-Битола и обратно. Во вторникот попладне изгорени се 160 прагови на пругата на Железничката станица Браилово близу Прилеп, по што од среда по полноќ возовите се оневозможени да сообраќаат.
Од Македонски Железници информираат дека нивни екипи работат на санирање и обнова на праровите по што ќе бидат пуштени возовите, но не посочуваат кога е рокот на санација на оштетената пруга.
Претходно до вторникот вечерта возот само пет дена сообраќаше, откако претходно исто така поради изгорени илјада прагови од пругата, возот на релација Велес-Прилеп Битола беше во прекин осум дена.
136