Полициски службеници од ОВР Крушево при СВР Битола, денеска во средното општинско училиште „Наум Наумовски Борче“ во Крушево реализираа едукативна активност посветена на темите насилството и сајбер булинг. Во интеракција со учениците од различните класови од прва до четврта година оваа работилница имаше за цел превенирање на врсничкото насилство и благовремено забележување на ризиците и избегнувањето на истите, како и запознавање со законската регулатива што ги санкционира овие појави.
Исто така на подрачјето на Крушево и крушевско ,полициските службеници од ОВР Крушево остварија средби со угостителите на подрачјето на кои им укажуваа за доследно почитување на јавниот ред и мир и почитување на законите пред претстојните Новогодишни и Божиќни празници.
