Православните христијани денеска го одбележуваат Велики петок, денот на страдањата и смртта на Исус Христос. На овој ден црквата предвидува строг пост, само со вода, а многу верници на Велипеток ништо не пијат, ниту јадат до зајдисонце.
Во православните цркви, вечерните богослужби на овој ден го одбележуваат времето на смртта и отстранувањето од крстот на телото Господово, кога плаштеницата се става на специјално украсена маса најчесто на средината од храмовите, која симболично го претставува Христовиот гроб.
Еве како денес изгледаше денешната богослужба во црквата Свето Благовештение во Прилеп.
