ТЕМЗА - нов дневен престој во Припеп - дружење, учење, забава – исто како децата да се дома
ЕУРО ГЛАС ТРЕЈД ПРИЛЕП над 20 години заедно со Вас - најдобрите ПВЦ и алуминиумски врати и прозорци
Креас - готвени јадења. Новоотворена продавница во Точила на веќе познатиот прилепски бренд.
Во КРЕМОНА ШОПИНГ ЦЕНТАР сега и ѕидни панели, вештачка трева, декоративни дрвца, трпезариски маси и клуб маси, компјутерски бироа и столици
Општинскиот штаб за заштита и спасување од општина Прилеп, заради намалување и спречување на опасноста од појава на пожари на отворени простори кој што се актуелни во овој период од годината и кои што можат да предизвикаат големи материјални штети им СООПШТУВА на граѓаните да се придржуваат кон следните превентивни мерки за заштита од пожарии тоа:
- Со прогласувањето на кризна состојба за појава на пожари на отворен простор од страна на владата на Република Северна Македонија ЗАБРАНЕТО е движење и престој во шума на лица без претходно прибавена дозвола од страна на надлежен орган –Национални Шуми ПШС Црн Бор Прилеп.
- Забрането е палење на стрништа ,плевели и други растителни отпадоци од сув вегетациски горлив материјал во ловиште,пасишта и на земјоделски површини односно палењето на отворен оган низ полето во шумата,шумските комплески и нивна непосредна близина.
- Против сторителите на овие прекршоци од страна на надлежните органи ќе бидат превземени соодветни санкции согласно законот за прекршоци и другите позитивни материјални закони кој ја регулираат проблематиката од оваа област,односно изрекување парична казна – глоба за правни и физички лица.
- Целокупната земјоделска механизација и транспортни средства кој што учествуваат во жетвата на посевите (комбањи,балирачки,трактори и товарни моторни возила) да бидат во потполна технички исправна состојба,а особено комбањите да бидат опремени со следната противпожарна опрема и средства за гаснење на пожари и тоа:противпожарен апарат со сув прашак од 6 или 9 килограми,пумпа за вода-брентача,две туби со вода од по 25 литри,казма лопата и вреќа со песок.
- Поправката на комбањите и останатата механизација која што учествува во жетвата да се врши на зелени и изорани површини,а не на парцелите со житни култури.
- Не е дозволено пушење цигари на комбањот или на останатата механизација и транспортни средства на парцели со житни култури со слама и стрништа.
- По извршувањето на жетвените работи поради постоењето на законската забрана НАЈСТРОГО е забрането палењето на стрништа.
- Сопствениците на викенд куќи кој се наоѓаат на отворен простор – низ полето да превземат превентивни мерки,односно околу истите да направат заштитни појаси и да го отстранат вегетацискиот горлив материјал.
- Да се внимава при употребата на кибрит,запалка,пушењето и фрлањето на неизгасните отпушоци и догорчиња.
- Да се внимава на детската игра со кибрит,запалка и други предмети кои предизвикуваат отворен пламен.
- Со сезоната на годишни одмори и напуштањето на домовите од страна на граѓаните на подолг временски период граѓаните да вршат исклучување на сите електрични апарати и уреди од електричната инсталација со исклучок на фрижидерите.
- Предупредете ги оние кои имаат намера да запалат или запалиле оган, на опасностите од пожар затоа што во 99% случаеви причината за настанување на пожарите е човековото невнимание и негрижа.
- Согласно член 29 од законот за пожарникарство секој граѓанин кој што ќе забележи непосредна опасност од настанување на пожар или ќе забележи пожар,должен е да ја отстрани опасноста,да го изгасне пожарот ако тоа може да го стори без опасност за себе и друго лице. Доколу граѓанинот не може сам да ја отстрани опасноста односно да го изгасне пожарот должен е веднаш да ја извести најблиската Противпожарна единица,Полициска станица или Центарот за управување со кризи на телефонските броеви:
-Противпожарна единица: 193
-Полициска станица: 192
-Центар за управување со кризи: 195
и да побара помош од граѓаните во непосредна околина.
Огнот е добар слуга,но лош господар. Затоа НАШЕТО внимание и НАШАТА противпожарна култура низ полето,во шумите,излетничките места,нашите домови и работните места ќе придонесе да се заштитиме од пожари.
