Во близина на манастирот „Св. Димитриј“ во с. Селце утре ќе бидат засадени 1.000 садници багрем. Оваа акција е дел од „Екомисија – твој потпис за природата“, во организација на Мој Прилеп, а во соработка со Општина Прилеп, Извиднички одред „Феникс“ и ЈКП „Комуналец“ Прилеп.
„Екипите на ЈКП „Комуналец“ веќе го изораа теренот кај манастирот „Св. Димитриј“ во с. Селце и утре доаѓаат на терен со сврдли за да ни ја олеснат работата. Твое е само да дојдеш со добра волја, мотика/дурија (доколку имаш), да засадиш дрво и да оставиш свој белег за позелен град! Нема тешко копање, има само убаво саботно утро во природа, дружба и конкретна акција. За сите вредни раце на терен ќе има и свежа лимонада обезбедена од нашите партнери Limonada“, велат од Мој Прилеп.
Локација: Манастир „Св. Димитриј“ – с. Селце
Датум: Утре, сабота (14 ноември)
Време: 08:30 часот пред Марко Цепенков (20 обезбедени места во автобус)
Одличен повод да ги собереш пријателите, семејството или да ги донесеш најмалите за заедно да научат како се сака и чува природата. Секое засадено дрво е инвестиција во поздрава иднина за сите нас! Ајде да покажеме колку го сакаме Прилеп на дело.
