Необичен призор ги дочекал посетителите на паркот во Берлин, а морала да реагира полицијата и пожарникарите. Неколку семејства од Балканот печеле јагниња на импровизиран ражен среде паркот. Механизмот бил поврзан со акумалтори од нивните возила, за јагнињата да се вртат автоматски.
„Имаа акумулатори, јагленот беше распален, кога ги прашавме зошто го прават тоа, ни рекоа дека го слават Велигден, како и секоја година“, напишаа берлинските полицајци на својата службена фејсбук страница.
Од полицијата велат дека се работи се иселеници од Босна и Херцеговина.
Тие добиле наредба да го размонтираат импровизираниот ражен, а можно е да добијат и парична казна. Како што се наведува, полицијата не пријавила никакви инциденти, а групата покажала „добра соработка“.
