Утрово околу 05,50 часот на патен премин преку железничка пруга „Маџари“ товарен воз кој сообраќал на релација од Табановце кон Скопје удрил во патничко моторно возило „Фолксваген венто“, сопственост на МВР, а управувано од А.Б., полициски службеник во Полициска станица Гази Баба, кој починал на местото на настанот.
Жителите на Хиподром велат дека често се сведоци на вакви несреќи, најмногу поради лошата сигнализација, но и начинот на кој е обезбеден преминот. Според нив треба редовно да се одржува и менува сигнализацијата на пругите, но и возачите да бидат внимателни.
