Во текот на вчерашниот ден се аплицирани 12.352 дози вакцини, од кои 10.179 граѓани примиле прва доза вакцина. Заклучно со податоците од вчера, од сите вакцинални пунктови во државата вкупниот број на вакцинирани граѓани изнесува речиси 220 илјади, односно аплицирани се 219.977 дози вакцини.
Од вкупниот број, 33.831 граѓанин веќе имаат и ревакцина, додека останатите 186.146 граѓани примиле само прва доза.
Од министерството за здравство информираат дека со последните бројки, 43% од населението над 70 години има примено барем една доза вакцина и 33% од населението над 65 години е вакцинирано со барем една доза вакцина.
