Првото целосно затемнување на Месечината во последните две години ќе се случи денеска. Мајската супермесечина е една од трите оваа година и ќе биде најголема меѓу нив. Супермесечина се јавува кога Месечината изгледа поголема од вообичаено затоа што е најблиску до Земјата.
Но, ова ќе биде особено супер настан, бидејќи тоа ќе биде супермесечина, затемнување на Месечината и црвена крвава месечина одеднаш.
Крвавата супермесечина се појавува при целосно затемнување на Месечината, во моментот кога Земјата ќе се најде директно помеѓу Месечината и Сонцето, криејќи ја Месечината од сончевата светлина, и го добива името „крвава“ поради црвениот сјај.
Последица на ваквите настани е „светлосен прстен“ околу Месечината, но астрономите сè уште не можат да предвидат до кој степен ќе биде црвено бидејќи може да биде под влијание на прашина во атмосферата, соопшти НАСА.
Затемнувањето ќе трае околу 14 минути, а целиот настан околу пет часа.
🌑 Watch the total lunar eclipse & supermoon! 🌌
On Wed., May 26, our Moon will pass through the umbra of Earth’s shadow, creating what is known as a “blood moon” in a total lunar eclipse! It’s going to be a dazzling sky show. Set your alarm: https://t.co/gx3zFoD51N pic.twitter.com/IYcZLFEFdc
— NASA (@NASA) May 21, 2021
