Еден од стратешките приоритети за раководството на Министерството за внатрешни работи е создавање на подобри услови за вработените со цел полицијата да прерасне во поквалитетен сервис за граѓаните. За последните 10 месеци реконструиравме 8 објекти, а моментално работиме на дополнителни 7 кои ќе бидат целосно готови до крајот на 2021 година“, објави министерот за внатрешни работи Оливер Спасовски на неговиот Фејсбук профил.
Досега целосно се реконструрирани 56 објекти.
„Управни служби Кавадарци, ОВР Крива Паланка, ОВР Гевгелија, ОВР Кавадарци, Полициско одделение Ростуше, Војнички клуб Илинден за потребите на САЕ „Тигар“, ОВР Ресен, Полициско одделение Дојран се објектите во кои беше извршена целосна реконструкција и санација на кров, фасади со енергетска ефикасност, промена на ПВЦ столарија, електрична инсталација, термичка изолација, греење по сите современи стандарди за квалитет и вредности во секојдневното живеење.
Во тек е реконструкцијата на СВР Куманово, ОВР Крушево, ОВР Прилеп, Полициско одделение Чашка, Полициско одделение Ранковци и Полициска канцеларија Старо Нагоричани.
Од 2017 до денес целосно реконструиравме 56 објекти со што континуирано креираме подобри услови за сите вработени во Министерството за внатрешни работи. Работиме на создавање задоволна полиција, за задоволни граѓани“, напиша Спасовски.
