Товарниот брод Ever Given, кој го блокираше Суецкиот канал во март, повторно ќе го премине Црвеното Море, соопштуваат од Управата на Суецкиот канал.
„Контејнерскиот брод треба да влезе во Порт Саид во петок навечер, а неговиот премин ќе започне рано наутро во сабота“, вели извор за медиумите.
Од Управата на каналот соопштуваат дека за да се избегне несреќа со бродот, ќе бидат преземени дополнителни безбедносни мерки.
Ever Given ќе биде придружуван од две влечни возила за време на патувањето низ Суецкиот канал, кое трае од 10 до 12 часа.
Ever Given се враќа од Ротердам, каде што пристигна кон крајот на јули.
Потсетуваме, на 23 март бродот Ever Given го блокираше Суецкиот канал и беше деблокиран на 29 март. Светската трговија беше нарушена бидејќи стотици бродови не можеа да го преминат водниот пат долг 193 километри, кој ги поврзува Средоземното Море и Црвеното Море и е кратенка помеѓу Азија и Европа.
