Првпат откако се вршат мерења oд 1950 година, заврна дожд на леден врв на Гренланд.
Врнежите се случија на највисоката точка на ледената покривка, на надморска височина од 2.600 метри, се наведува во соопштението на Националниот центар за податоци за снег и мраз.
Топлиот воздух донел силен дожд, кој испорачал седум милијарди тони вода на површината на мразот и со тоа се забрзува топењето на мразот.
Тед Скамбос, виш истражувач, научник од НСИДЦ при Универзитетот во Колорадо, рече дека ова е доказ дека Гренланд забрзано се загрева.
„Ова што се случува не е само топла деценија или две во необична климатска шема. Ова е без преседан“, изјави Скамбос за Си-Ен-Ен.
