Викендот што следува на 19 и 20 август, во Крушево ќе се одрижи по деветти пат фестивалот на отворено „Крушево низ корија“ кој во своите содржини ќе опфати кампување на Мечкин Камен со сите придружни содржини: планински велосипедизам, планинарска тура низ крушевската корија, тандем летови со параглајдер, дегустација на крушевски специјалитети подготвени од здружението Крушевска жена и голема журка во Крушевската корија низ која ќе не водат DJ SLAVE и ROOTBOY SELECTOR.
Велосипедската тура ќе се вози на 20.08.2023г(недела) на три патеки :
Мала МТБ тура „Крушево низ корија„
Турата е со должина од 15км и елевација од околу 300 метри…. категоризирана е како лесна тура за лица со нормална физичка подготвеност препорачлива за секој рекреативец.
Средна МТБ тура „Крушево низ корија“
Турата е со должина од 30 км и елевација од 700 метри… категоризирана како средно тешка тура 7/10 за лица со просечна физичка подготвеност.
Голема МТБ тура „Крушево низ корија“
Турата е со должина од 40 км и елевација 1000 метри категоризирана како тешка тура.
Тандем летови со параглајдер ќе има во сабота и недела , 19/20.08.23 , од 10.00ч – 19.30ч .
Планинарска тура во недела на 20 август со почеток во 10.00ч
Планинарската тура ќе се одвива на релацијата Мечкин Камен – Крушево, во должина од 14 км. Истата би ја класифицирале како средно тешка тура која може да ја изоди секој од 7 до 77 години. Во 80%од патеката се движиме низ крушевската корија која изобилува со сенка, што е мошне пријатно за топлите августовски денови. Во текот на турата ќе се посетат двата манастири св. Василиј и св. Спас (каде што ќе има пункт со освежување). Во текот на патеката има пивка вода за пиење. Турата завршува во Крушево каде учесниците ќе можат да ги посетат културните знаменитости.
Фестивалот е во организација на Форумот за Авангардна Креативност (ФАК) од Прилеп во соработка со Општина Крушево.
