Младите лекари и приватните специјализанти под мотото „Достоинство за младите лекари“ најавуваат протест пред Министерството за здравство, кој ќе се одржи на 27 април.
Причините за најавениот протест се поради платите на приватните специјализанти кои останаа на 26.000 денари и не беа опфатени со ниту едно покачување во здравството, иако договорот со Министерството за здравство беше дека платата ќе се исплаќа на ниво на просечната. Освен тоа специјализантите повторно останаа без здравствено осигурување, кое им било укинато без никакво образложение.
„Нашите помлади колеги решија повеќе да не молчат и јавно преку протест да го изразат својот револт од односот на здравствените власти кон нив. Асоцијација на специјализанти и млади лекари-АСМЛ во целост го поддржува протестот на младите колеги и АПЕЛИРА до секој оној колега кој сака подобар статус да дојде и излезе на овој протест!“, велат од Асоцијација на специјализанти и млади лекари-АСМЛ.
