По повод 10 годишната од постоењето на компанијата Станицата за технички преглед, Техничката служба за хомологација и атест, и Сервисот за возила Авто Контрол Прилеп ја организираат наградната игра – „ВРЕМЕ Е ЗА СКУТЕР”. Можност за учество во наградбата игра имаат сите клиенти на Авто Контрол кои ќе ги регистрираат своите возила од 10 јули до 30 септември. На јавното извлекување кои ќе се случи на 1 октовмри еден среќен добитник ќе добие ретро скутер како знак на благодарност од Авто Контрол за лојалноста и поддршката од своите клиенти која имаат во изминатава деценија.
„ВРЕМЕ Е ЗА СКУТЕР!” е наградна игра која ја организираме за да ги наградиме нашите клиенти кои ќе извршат технички преглед при регистрација на возило во нашата станица за технички преглед во рокот на времетраење на наградната игра. Натпреварувачите, односно среќниот добитник ќе има можност да добие награда – скутер 50 цц. Наградната игра започнува на 10. Јули од 08:00 часот и трае до 30. Септември до 16:00 часот.
Право на учество во наградната игра имаат нашите клиенти кои:
-Во времетраењето на наградната игра извршиле технички преглед при регистрација на возило во нашата станица за технички преглед;
-Добиле 2 (два) идентични наградни купона кои содржат единствен сериски број внесен во дневникот за евиденција на техничките прегледи при регистрација на возила на шалтерите во нашиот технички преглед;
-Едниот од наградните купони го оставиле во кутијата за собирање на наградни купони, која ќе биде поставена на видно место во нашата влезна просторија со шалтери за клиенти за време на траењето на наградната игра;
– Вториот награден купон го чувале кај себе како доказ за учество во наградната игра. Во случај на извекување, вториот примерок од наградниот купон ќе треба да биде презентиран од страна на добитникот на наградата“, истакна Даниела Перканоска, управител на АВТО КОНТРОЛ-СЕРВИС ДООЕЛ Прилеп.
Во наградната игра забрана за учество имаат лица кои во времетраењето на наградната игра се вработени во Авто Контрол како и членови на нивните потесни семејства. Извлекувањето на наградата ќе се спроведе мануелно и јавно во присуство на тричлена комисија избрана од страна на организаторот.
