Капаците на дел од шахтите на новата велосипедска патека и пешачка зона на неодамна реконструираната улица Леце Котески веќе ги нема. Некои се пропаднати, некои отстранети, но во секој случај дупките претставуваат опасност за граѓаните кои живеат во тој дел од градот, но и за велосипедистите и за пешаците кои се движат по тој тротоар.
Чести се случаевите и кога автомобили, но и тешки товарни возила се паркирани на тротоарот, кои покрај тоа што го оневозможуваат безбедното движење, сигурно допринеле и за оштетувањата на шахтите.
Како и да е, службите треба што поскоро да реагираат и за двата проблеми, пред да се случи немил настан, кога веќе ќе би било предоцна.
